“Boki 13 nuk ka kancer, ka gastrit kronik”

15:23 | 11 Shkurt 2020
Arbresh.info

Seanca e sotme për rastin “Haraçi” ka filluar me disa probleme.

I akuzuari i parë Bojan Jovanovski “Boki 13” pas fillimit të seancës, u ankua se ka dhimbje dhe nuk mund ta ndjek gjykimin.

Pasi ai u ankua nga dhimbjet, në gjykatë u thirr ndihma e shpejtë, ndërsa mjekët konstatuan se Boki 13 mund ta vazhdojë gjykimin, përcjell Telegrafi Maqedoni.

Gjykatësja Vaska Nikollovska, tha se nga rezultatet e marra nga mjekët ka dalë se Boki 13 nuk ka kancer.

“Nuk ka elemente që i akuzuari të mos e vazhdojë gjykimin. Nga analizat është konfirmuar se Jovanovski ka gastrit kronik”, tha gjykatësja.

Ndërsa Boki 13 tha se kjo është falsifikim, duke shtuar se dje nuk i është bërë aspak kontroll.

Avokati i Boki 13, tha se në burg nuk ka mjek dhe mungojnë kontrollet mjekësore për të burgosurit, sidomos për klientin e tij.

Shpërndaje në rrjete sociale

Lajmet më të lexuara

Të ngjashme

Foto lajm